މީހަކަށް ތޫނުއެއްޗަކުން ބަޔަކު ހަމަލާދީ ފައިސާތަކެއް ފޭރިގެންފި
މީހަކަށް ތޫނުއެއްޗަކުން ބަޔަކު ހަމަލާދީ ފައިސާތަކެއް ފޭރިގެންފިއެވެ. ރޭ 12:00 ހާއިރު ޖަނަވަރީ މަގުގައި ހިންގި މި ފޭރުމުގައި ހަމަލާދީ ފައިސާތައް ފޭރިގެންފައިވަނީ އުމުރުން 41 އަހަރުގެ ފިރިހެނެއްގެ އަތުންނެވެ.
މި ފޭރުމުގައި އަނިޔާ ލިބުނު މީހާއަށް ތޫނުއެއްޗަކުން ހަމަލާ ދީފައިވުމުގެ ސަބަބުން އޭނާއަށް އައި.ޖީ.އެމް ހޮސްޕިޓަލުގައި ދަނީ ފަރުވާ ދެވެމުންނެވެ.
މިމައްސަލަ މޯލްޑިވްސް ޕޮލިސް ސަރވިސްއިން ގެންދަނީ އިތުރަށް ތަޙުޤީޤު ކުރަމުންނެވެ.
