ރައްޔިތުން ހޭލުންތެރިކުރުމަށް ފުލުހުން ކުރަމުންދާ މަސައްކަތަކުގެ ތެރެއިން ފ. އަތޮޅު މަދަރުސާގެ ބެލެނިވެރިންނަށް މައުލޫމާތު ދިނުމުގެ ސެޝަނެއް ކުރިއަށް ގެންގޮސްފިއެވެ.

މި ހިނގާ ޖަނަވަރީ މަހުގެ 26 ވަނަ ދުވަހު އެ މަދަރުސާގައި ކުރިއަށްގެންދިޔަ މި ސެޝަނަކީ ފީއަލީ ޕޮލިސް ޕޯސްޓުން ކުރިއަށް ގެންދިޔަ ސެޝަނެކެވެ. މި ސެޝަން ކުރިއަށް ގެންގޮސްފައިވަނީ ރަށުގެ މުއައްސަސާތަކާ ގުޅިގެންނެވެ.

މި ސެޝަންގައި، ސްކޭމްގެ މައްސަލަތަކުން ރައްކާތެރިވާނެ ގޮތްތަކާ ގުޅޭގޮތުން މައުލޫމާތު ދީފައިވެއެވެ. އަދި މޯބައިލް ފޯނު ބޭނުންކުރާ ކުޑަކުދިން މޮނީޓަކޮށް އިންޓަނެޓްގެ ޒަރީއާއިން ފާރަލާ މީހުންގެ ކިބައިން އެ ކުދިން ރައްކާތެރި ކުރެވިދާނެ ގޮތްތަކާ ބެހޭގޮތުން ވެސް މައުލޫމާތު ދީފައިވެއެވެ. އަދި ކުޑަކުދިން ކުށުން ރައްކާތެރިކުރުމަށާއި ރޭގަނޑު އެކަނި ބޭރަށް ނުދިއުމަށް އެ ކުދިންނަށް ކިޔައިނުމަށް ބެލެނިވެރިންނަށް ނަސޭހަތްތެރިވެފައިވެއެވެ.