ރ. މަޑުއްވަރީ ސުކޫލު ދަރިވަރުންނަށް ޓްރެފިކް އެވެއާނަސް ސެޝަނެއް ކުރިއަށްގެންގޮސްފިއެވެ.
މި ފެބުރުވަރީ މަހުގެ 4 ވަނަ ދުވަހު މަޑުއްވަރީ ޕޮލިސް ސްޓޭޝަނުން ކުރިއަށްގެންދިޔަ މި ސެޝަންގައި މައުލޫމާތު ދީފައިވަނީ މަޑުއްވަރީ ސުކޫލު ގްރޭޑް 6 އިން ފެށިގެން މަތީގެ ދަރިވަރުންނަށެވެ.
މި ސެޝަންގައި، މަގުމަތީގައި އުޅޭއިރު ސަލާމަތާއި ރައްކާތެރިކަން ކަށަވަރުކުރުމަށް ދަރިވަރުންނަށް ކުރެވިދާނެ ކަންކަން ކިޔައިދީފައިވެއެވެ. އަދި މަގުމައްޗަކީ ރައްކާތެރިތަނަކަށް ހެދުމަށްޓަކައި ކުރެވޭނެ ކަންކަމާއި ނުކުރައްކާތެރި ކަމެއް ދިމާވެއްޖެނަމަ އަމަލުކުރާނެ ގޮތްތަކާއި، ޓްރެފިކް ނިޝާންތައް ދަރިވަރުންނަށް ބުނެދީފައިވެއެވެ.
މި ސެޝަންގައި ޖުމުލަ 115 ދަރިވަރުން ބައިވެރިވިއެވެ.
