ޅ. ނައިފަރުގައި ދިރިއުޅޭ ރައްޔިތުންނާ ގާތުން ބައްދަލުކޮށް، ކަންބޮޑުވުންތައް އޮޅުންފިލުވައި މައުލޫމާތު ބަދަލުކުރުމަށްޓަކައި “ވޯކް އެންޑް ޓޯކް” ހަރަކާތެއް އެ ރަށު ޕޮލިސް ސްޓޭޝަނުން ކުރިއަށް ގެންގޮސްފިއެވެ.

މާރިޗު 1 ވަނަ ދުވަހު ކުރިއަށް ގެންދިޔަ މި ހަރަކާތުގައި ފުލުހުންނާއި ރައްޔިތުން އެއް މާހައުލެއްގައި ބައްދަލުވެ، ދެފަރާތުގެ މެދުގައި އޮންނަ ގުޅުން އިތުރަށް ބަދަހިކުރުމަށް ރަށުގެ އެކި ސަރަހައްދުތަކުން ރައްޔިތުންނާ ބައްދަލުކޮށްފައިވެއެވެ.

އަދި ރައްކާތެރިކަމުގެ ގޮތުން ކުރެވޭނެ ކަންކަމާއި ތަފާތު އެކި ކަހަލަ ކުށްތަކުން ރައްކާތެރިވެތިބުމަށް މަސައްކަތް ކުރާނެގޮތުގެ މައުލޫމާތު ހިއްސާކޮށްފައިވެއެވެ.

މިއީ ފުލުހުންނާއި ރައްޔިތުންގެ މެދުގައި އިތުބާރު އުފައްދައި، ދެފުށް ފެންނަ ގޮތެއްގައި ގުޅިގެން މަސައްކަތްކުރުމަށް ފުލުހުން ކުރަމުންދާ ސިލްސިލާ މަސައްކަތްތަކުގެ ތެރެއިން ހިންގި ހަރަކާތެކެވެ.