ގއ. ގެމަނަފުށީ ރައްޔިތުންނާ ގާތުން ބައްދަލުކޮށް ހޭލުންތެރިކުރުވައި، ހިޔާލު ބަދަލުކުރުމަަށް ވޯކް އެންޑް ޓޯކް ހަރަކާތެއް ކުރިއަށް ގެންގޮސްފިއެވެ.

މި މާރިޗު މަހުގެ 3 ވަނަ ދުވަހު ގެމަނަފުށީ ޕޮލިސް ސްޓޭޝަނުން ކުރިއަށް ގެންދިޔަ މި ހަރަކާތުގައި، އާންމުން އެއްވެ އުޅޭތަންނަށް ޒިޔާރަތްކޮށް ރައްޔިތުންނާއި ފުލުހުންނާ ދެމެދު އޮންނަ ގުޅުން ބަދަހިކޮށް، މުޖުތަމައުގެ ރައްކާތެރިކަން އިތުރުކުރުމަށް ހިޔާލު ބަދަލުކޮށް މަޝްވަރާކޮށްފައިވެއެވެ. އަދި ރައްކާތެރިކަމާއެކު ސޯޝަލް މީޑިއާ ބޭނުންކުރާނެގޮތާއި ވައިބަރ ހެކުކުރުމުން ރައްކާތެރިވުމަށް ކުރެވިދާނެ ކަންކަމާ ގުޅޭގޮތުން މައުލޫމާތު ދީފައިވެއެވެ.

އޭގެ އިތުރުން، ރައްޔިތުންގެ ކަންބޮޑުވުންތަށް އޮޅުން ފިލުވައި، ރައްޔިތުންނާ ގުޅުންހުރި މުހިންމު ކަންތައްތަކާ ގުޅޭގޮތުންނާއި، އާންމުކޮށް މުޖުތަމަގައި ހިނގަމުންދާ ކުށްތަކާއި އެފަދަ ކަންކަމުން ރައްކާތެރިވުމަށް މަސައްކަތްކުރުމަށް މައުލޫމާތު ދީފައިވެއެވެ. އަދި ވައްކަމުގެ މައްސަލަތަކާއި ސްކޭމްތަކުން ރައްކާތެރިވުމަށް ސަމާލުވާންވީ ކަންތަކާ ބެހޭގޮތުން އިރުޝާދުދީ އަދި ރައްކާތެރިކަމުގެ މައުލޫމާތު އެކުލެވޭ ލީފުލެޓް ދީފައިވެއެވެ.