އައްޑޫ ސިޓީ ހިތަދޫ ޝަރަފުއްދީން ސުކޫލުގެ ޓްރެފިކް މޮނީޓަރުންނަށް ފީލްޑް ޓްރެއިނިންގ ސެޝަނެއް ކުރިއަށް ގެންގޮސްފިއެވެ.

މި މެއި މަހުގެ 2 ވަނަ ދުވަހު ހިތަދޫ ޕޮލިސް ސްޓޭޝަނުން ކުރިއަށް ގެންދިޔަ މި ތަމްރީނު ޕްރޮގްރާމަކީ ސުކޫލު ސަރަހައްދުގެ ޓްރެފިކް ބެލެހެއްޓުމާއި، މަގުމަތީގެ ސަލާމަތާއި ރައްކާތެރިކަން ކަށަވަރުކުރުމުގައި ދަރިވަރުންގެ ދައުރު ފުޅާކޮށް، އަމަލީ މައިދާނުގައި މަސައްކަތްކުރާނެ ގޮތް ދަސްކޮށްދިނުމަށް ކުރިއަށް ގެންދިޔަ ސެޝަނެކެވެ.

މި ސެޝަންގައި، ސުކޫލު ސަރަހައްދުގެ ޓްރެފިކް ބަލަހައްޓާއިރު އެއްގަމު އުޅަނދު ދުއްވާ ފަރާތްތަކަށް އިޝާރާތްކުރާނެ ގޮތާއި، މަގު ހުރަސްކުރާ ފަރާތްތަކަށް އެހީތެރިވާނެ ގޮތްތަކުގެ އަމަލީ ތަމްރީނުދީފައިވެއެވެ.

އޭގެ އިތުރުން، ޓްރެފިކް ގަވާއިދުތަކާއި، މަގުމަތީގެ ނިޝާންތަކަށް ބޯލެނބުމުގެ މުހިންމުކަމާ ގުޅޭގޮތުން ދަރިވަރުންނަށް މައުލޫމާތު ދީފައިވެއެވެ.