ކުރެންދޫގައި ހުންނަ ޅ. އަތޮޅު މަދަރުސާގެ ދަރިވަރުންނަށް “އިންޓަނެޓް ޕިޝިންގ އެންޑް ސައިބަރ ސޭފްޓީ އެވެއާނަސް” ސެޝަނެއް ކުރިއަށް ގެންގޮސްފިއެވެ.
މި މެއި މަހުގެ 14 ވަނަ ދުވަހު ކުރެންދޫ ޕޮލިސް ސްޓޭޝަނުން ކުރިއަށް ގެންދިޔަ މި ސެޝަންގައި މައުލޫމާތު ދީފައިވަނީ އެ މަދަރުސާގެ ގުރޭޑު 7 އިން 11 އަށް ތައުލީމު ހާސިކުރަމުންދާ ދަރިވަރުންނެށެވެ. މި ސެޝަންގައި އެ މަދަރުސާގެ 90 އަށްވުރެ ގިނަ ދަރިވަރުން ބައިވެރިވިއެވެ.
މި ސެޝަންގައި، އިންޓަނެޓް މެދުވެރިކޮށް ހިންގާ ސްކޭމްގެ ވައްތަރުތަކާއި، އެކަމުން ސަލާމަތްވެތިބުމަށް އަޅާނެ ފިޔަވަޅުތައް ކިޔައިދީފައިވެއެވެ. އަދި އިންޓަނެޓްގެ މުހިންމުކަމާއި އިންޓަނެޓް ބޭނުންކުރުމުގައި ރައްކާތެރި ގޮތްތަކަކީ ކޮބައިކަން ކިޔައިދީފައިވެއެވެ. އަދި އިންޓަނެޓުން ބައްދަލުވާ ނުދަންނަ މީހުންނާ ޒާތީ މައުލޫމާތު ހިއްސާނުކުރުމަށާއި، ކަމެއް ދިމާވެއްޖެ ހާލަތުގައި ވެސް ބެލެނިވެރިންނަށް ސިއްރުނުކުރުމަށް ނަސޭހަތްތެރިވެފައިވެއެވެ. އޭގެ އިތުރުން ވެސް މައުލޫއާ ގުޅޭގޮތުން ތަފާތު މައުލޫމާތު ހިއްސާކޮށްފައިވެއެވެ.
