ހދ. ފިނޭގައި އަލަށް ހުޅުވި ޕޮލިސް ސްޓޭޝަންގެ ގޯތިތެރެ ފެހިކުރުމަށް، މޭވާ ގަސް އިންދުމުގެ ހަރަކާތެއް ކުރިއަށް ގެންގޮސްފިއެވެ.
މި ޖޫން މަހުގެ 14 ވަނަ ދުވަހު ބޭއްވި މި ހަރަކާތުގައި، ކޮމިޝަނަރ އޮފް ޕޮލިސް އަޙްމަދު މުޙައްމަދާއި، ޑެޕިއުޓީ ކޮމިޝަނަރ އޮފް ޕޮލިސް ފަރުހާދު ފިކްރީގެ އިތުރުން ފުލުހުންގެ ޚިދުމަތުގެ އިސް އޮފިސަރުން ބައިވެރިވެލެއްވިއެވެ.
މި ހަރަކާތަކީ ފިނޭ ޕޮލިސް ސްޓޭޝަން ރަސްމީކޮށް ހުޅުވުމަށް ބޭއްވި ރަސްމިއްޔާތުގެ ތެރެއިން، އެ ސްޓޭޝަންގެ މާހައުލަކީ ތިމާވެއްޓާ ރައްޓެހި ފެހި މާހައުލަކަށް ހެދުމަށްޓަކައި ކުރިއަށް ގެންދިޔަ ހަރަކާތެކެވެ.
