ރ. މަޑުއްވަރީ ސުކޫލު ކަބް ސްކައުޓް ދަރިވަރުންނަށް މަގުމަތީގެ ސަލާމަތާއި ރައްކާތެރިކަމާ ގުޅޭގޮތުން މައުލޫމާތު ދިނުމާއި ޓީމް ބިލްޑިންގ ހަރަކާތެއް ކުރިއަށް ގެންގޮސްފިއެވެ.

މި މަހު 20 ވަނަ ދުވަހު ކުރިއަށްގެންދިޔަ މި ހަރަކާތްތަކަކީ މަޑުއްވަރީ ސުކޫލާއި އެރަށު ފުލުހުން ގުޅިގެން ކުރިއަށް ގެންދިޔަ ހަރަކާތެކެވެ.

އެގޮތުން، މަގުމަތީގައި އުޅޭއިރު ސަމާލުކަންދޭންޖެހޭ ކަންކަމާއި ރައްކާތެރިކަމަށް ދަރިވަރުންގެ އުމުރާ ގުޅޭގޮތަށް ކުރެވިދާނެ ކަންކަން ކިޔައިދީފައިވެއެވެ. އަދި މަގުމަތީގައި ހިނގާއިރު މަގުގެ އެއްފަރާތުން ހިނގުމަށް އާދަކުރުމަށާއި ބައިސްކަލް ދުއްވާއިރު ސަމާލުކަންދޭންޖެހޭ ކަންކަން ކިޔައިދީފައިވެއެވެ.

އޭގެ އިތުރުން ޓީމް ބިލްޑިންގ ހަރަކާތެއް ވެސް ކުރިއަށް ގެންގޮސްފައިވެއެވެ. މި ހަރަކާތުގައި ޓީމެއްގެ ގޮތުގައި ގުޅިގެން މަސައްކަތްކުރުމުގެ މުހިންމުކަން އަންގައިދިނުމަށާއި ދިމާވާ މައްސަލަތައް ހައްލުކުރެވޭ ގޮތްތައް ކުޅިވަރު ހަރަކާތްތަކުގެ ތެރެއިން ދަސްކޮށްދީފައިވެއެވެ. މި ހަރަކާތުގައި 30 ދަރިވަރުން ބައިވެރިވިއެވެ.