ނ.އަތޮޅު މަދަރުސާގެ ކަބް ސްކައުޓް ދަރިވަރުންނަށް “ޑިސިޕްލިންގ އެންޑް ސްމާޓްނެސް” ނަމުގައި ސެޝަނެއް ކުރިއަށް ގެންގޮސްފިއެވެ.
ޖޫން 27 ވަނަ ދުވަހު އެ މަދަރުސާގައި ކުރިއަށް ގެންދިޔަ މި ސެޝަނަކީ ކަބް ސްކައުޓް ކޭމްޕުގެ ތެރެއިން ކުރިއަށް ގެންދިޔަ ސެޝަނެކެވެ. މި ސެޝަންގައި، ދަރިވަރުންގެ ކިބައިގައި ރިވެތި އާދަތައް އަށަގަންނުވައި ނަމޫނާ ދެއްކުމަށާއި، ވަކިހަމައެއްގައި ކަންކަން ދެމެހެއްޓުމަށް ކުރެވޭނެ ކަންކަން ކިޔައިދީފައިވެއެވެ.
އޭގެ އިތުރުން، އަމުރަށް ތަބާވުމަށާއި، އަމިއްލަ ސާފުތާހިރުކަން ބެލެހެއްޓުމަށް އިސްކަންދިނުމަށް ބާރުއަޅައި، ދަރިވަރުންގެ ކިބައިގައި މި ކަންކަން އަށަގެންނެވުމަށް މައުލޫމާތު ދީފައިވެއެވެ. މި ސެޝަންގައި އެ މަދަރުސާގެ ކަބް ސްކައުޓް 36 ދަރިވަރުން ބައިވެރިވިއެވެ.
ނ.އަތޮޅު މަދަރުސާގެ އެދުމަށް މި ޕްރޮގްރާމް ކުރިއަށް ގެންގޮސްފައިވަނީ މަނަދޫ ޕޮލިސް ސްޓޭޝަނުންނެވެ.
