ނ. މަނަދޫގައި ހުންނަ ސަރުކާރުގެ މުއައްސަސާތަކުގެ މުވައްޒަފުންނަށް ޓީމް ބިލްޑިންގ ހަރަކާތްތަކެއް ކުރިއަށް ގެންގޮސްފިއެވެ.
މި ޖުލައި މަހު 11 ވަނަ ދުވަހު މަނަދޫގައި ކުރިއަށްގެންދިޔަ މި ހަރަކާތްތަކަކީ ފުލުހުންނާ މުއައްސަސާތަކާ މެދު އޮންނަ ގުޅުން ރަނގަޅުކޮށް އެކުވެރިކަމާއި އެއްބައިވަންތަކަން އާލާކޮށް ހިދުމަތް ދިނުމުގައި އެކުވެރި މާހައުލެއް ގާއިމުކުރުމުގެ ގޮތުން ކުރިއަށްގެންދިޔަ ހަރަކާތެެކެވެ. މި ހަރަކާތަކީ މަނަދޫ ޕޮލިހުން އިންތިޒާމުކޮށްގެން ކުރިއަށްގެންދިޔަ ހަރަކާތެކެވެ.
މި ހަރަކާތްތައް ކުރިއަށް ގެންގޮސްފައިވަނީ މުއައްސަސާތަކުގެ މުވައްޒަފުން ޓީމުތަކަކަށް ބަހާލައިގެން، ޓާސްކުތަކެއް ހަވާލުކޮށްގެން ވަކި ވަގުތަކަށް ނިންމާގޮތަށެވެ. ރަށުގެ ހުރިހާ މުއައްސަސާއެއް ހިމެނޭގޮތަށް ޖުމުލަ 80 މުވައްޒަފުން ބައިވެރިވި މި ހަރަކާތް ކުރިއަށް ގެންދިއުމުގައި މުއައްސަސާތަކުން ވަރަށް ފުރިހަމަ އެއްބާރުލުމެއް ލިބިފައިވެއެވެ.
މުއައްސަސާތަކުގެ މެދުގައި ހިންގޭ މިފަދަ ހަރަކާތްތަކުގެ ސަބަބުން، މުވައްޒަފުންގެ މެދުގައި ގުޅުން ބަދަހިވެ މަސައްކަތްކުރުމަށް ފަހި މާހައުލެއް ގާއިމުވެގެންދާނެއެވެ.
