ކުޅުދުއްފުށި ސިޓީ އަފީފުއްދީން ސުކޫލު ގުރޭޑު 10 ގެ ދަރިވަރުންނަށް ޓީމް ބިލްޑިންގ ހަރަކާތްތަކެއް ކުރިއަށް ގެންގޮސްފިއެވެ.
މި ހަރަކާތްތަކުގައި، ޓީމެއްގެ ގޮތުގައި ގުޅިގެން މަސައްކަތް ކުރާނެ ގޮތާއި، މަސައްކަތް ކުރާއިރު ލީޑަރެއް ހުރުމުގެ މުހިންމުކަމާއި، މައްސަލައެއް ދިމާވެއްޖެނަމަ ހައްލުކުރާނެ ފަސޭހަގޮތް އެނގޭނޭހެން ވާދަވެރި އަދި ކުޅިވަރުގެ މަޖާ އެކި ހަރަކާތްތައް ކުރިއަށް ގެންގޮސްފައިވެއެވެ.
އެ ސުކޫލުގެ 66 ދަރިވަރުންނާއެކު މި ހަރަކާތް ކުރިއަށް ގެންގޮސްފައިވަނީ ކުޅުދުއްފުށީ ޕޮލިސް ސްޓޭޝަންގެ މުވައްޒަފުންނެވެ.
މި އޮގަސްޓު މަހުގެ 13 ވަނަ ދުވަހު ކުރިއަށްގެންދިޔަ މި ހަރަކާތްތަކަކީ ދަރިވަރުންގެ މެދުގައި އެކުވެރިކަން އާލާކޮށް މަޖާ މާހަލެއްގައި މަސައްކަތް ކުރުމުގެ މަގުސަދުގައި ކުރިއަށް ގެންދެވުނު ހަރަކާތްތަކެކެވެ.
