ގަނާކުރުމުގެ މައްސަލަތަކުން ރައްކާތެރިކުރުވުމަށް މައުލޫމާތު ދިނުމުގެ ސެޝަނެއް ނ. މާފަރު ސުކޫލު ދަރިވަރުންނަށް ކުރިއަށް ގެންގޮސްފިއެވެ.
މި އޮގަސްޓު މަހުގެ 26 ވަނަ ދުވަހު މާފަރު ފުލުހުންނާއި ސުކޫލު ގުޅިގެން ކުރިއަށް ގެންދިޔަ މި ސެޝަންގައި މައުލޫމާތު ދީފައިވަނީ އެ ސުކޫލުގެ ގުރޭޑު 7 އިން ފެށިގެން މަތީގެ ދަރިވަރުންނަށެވެ.
މި ސެޝަންގައި، ގަނާ ކުރުމަކީ ކޮބައިކަމާއި، ގަނާކުރުމުގެ ސަބަބުން އެކަމުގެ ޝިކާރައަކަށްވާ ކުދިންނަށް ކުރާނެ ނޭދެވޭ އަސަރުތަކާއި، އެފަދަ ކަންތައްތަކުން ދުރުހެލިވެތިބުމަށާ އަދި ގަނާގެ ޝިކާރައަކަށްވެފައިވާ ކުދިންނަށް އެކަމުން ސަލާމަތްވުމަށްޓަކައި ދެވޭނެ އެހީތެރިކަމާ ބެހޭގޮތުން މައުލޫމާތު ދީފައިވެއެވެ.
މި ސެޝަނަކީ މާފަރު ފުލުހުން، ރަށުގެ މުއައްސަސާތަކާ ގުޅިގެން ކުށްމަދު އަމާން ރައްކާތެރި މާހައުލެއް ގާއިމުކުރުމަށް ކުރަމުންދާ މަސައްކަތުގެ ތެރެއިން ކުރިއަށް ގެންދެވުނު ސެޝަނެކެވެ.
