ހޭލުންތެރިކުރުވުމަށް މައުލޫމާތު ދިނުމުގެ ސެޝަންތަކެއް އދ. އަތޮޅު ތައުލީމީ މަރުކަޒުގައި ކުރިއަށް ގެންގޮސްފިއެވެ. މި ސެޝަންތަކުގައި މައުލޫމާތު ދީފައިވަނީ އދ. އަތޮޅު ތައުލީމީ މަރުކަޒުގެ ގުރޭޑު 8 އިން 10 ގެ ދަރިވަރުންނަށާއި ބެލެނިވެރިންނަށެވެ.
މި އޮގަސްޓު މަހުގެ 26 އިން 27 އަށް މި ސެޝަންތައް ކުރިއަށް ގެންގޮސްފައިވަނީ އދ. އަތޮޅު ޕޮލިހާއި މި ޚިދުމަތުގެ ވިކްޓިމް ސަޕޯޓް ގުޅިގެންނެވެ.
މި ސެޝަންތަކުގެ ތެރެއިން ބެލެނިވެރިންނަށް މައުލޫމާތު ދިނުމަށް ކުރިއަށް ގެންދިޔަ ސެޝަންގައި، ދަރިން ބެލެހެއްޓުމުގައި ދަރިންގެ ރައްކާތެރިކަމަށްޓަކައި ބެލެނިވެރިން ކޮންމެހެން ވިސްނަންވީ ކަންކަމުގެ މައްޗަށް އަލިއަޅުވައި މައުލޫމާތު ދީފައިވެއެވެ.
ދަރިވަރުންނަށް ކުރިއަށް ގެންދިޔަ ސެޝަންގައި، އަމިއްލަ ނަފުސަށް އިތުބާރުކުރުމަށާއި، ދިމާވާ އެކި ކަންކަމުގައި .އަމިއްލައަށް ގޮތްނިންމަންޖެހޭ ހާލަތުގައި އަމަލުކުރަންވީ ގޮތްތަކާ ބެހޭގޮތުން މައުލޫމާތު ދީފައިވެއެވެ
