ސީޕީ ކަޕް އިންޓަރ ޑިޕާޓްމަންޓް ފުޓްސަލް މުބާރާތުގެ އަންހެން ޑިވިޜަން 2026 އެސް.އޯ.އާރު.ސީ ހާޓް ބީޓް ކާމިޔާބުކޮށްފިއެވެ.

ޕޮލިސް ކުލަބުން އިންތިޒާމުކޮށްގެން ކުރިއަށްގެންދިޔަ މި މުބާރާތުގެ އެސް.އޯ.އާރް.ސީ  ހަޓް ބީޓް ކާމިޔާބުކޮށްފައިވަނީ ސިޓީ ގާލްސްއާ ބައްދަލުކޮށް 1-6 ގެ ނަތީޖާއިން މެޗު ކާމިޔާބުކޮށްގެންނެވެ.

މުބާރާތް ނިންމުމަށް މި މަހު 23 ވަނަ ދުވަހު ބޭއްވި ރަސްމިއްޔާތު ޝަރަފުވެރިކޮށްދެއްވީ ޑެޕިއުޓީ ކޮމިޝަނަރ އޮފް ޕޮލިސް ފަރުހާދު ފިކުރީއެވެ. މި ރަސްމިއްޔާތުގައި ޕޮލިސް ކުލަބުގެ ރައީސް އެސިސްޓެންޓް ކޮމިޝަނަރ އޮފް ޕޮލިސް މުޙައްމަދު ރަޝީދުއާއި ފުލުހުންގެ ބައެއް އިސް އޮފިސަރުން ބައިވެރިވެލެއްވިއެވެ.

މި މުބާރާތުގެ ކުއީން އޮފް ދަ ޓޯނަމަންޓްއަށް ހޮވިފައިވަނީ އެސް.އޯ.އާރު.ސީ  ހާޓް ބީޓްގެ ރާނިޔާ އިބްރާހީމްއެވެ. މުބާރާތުގެ އެންމެ މޮޅު ފަސް ކުޅުންތެރިންނަށް ހޮވިފައިވަނީ ރާނިޔާ އިބްރާހީމްއާއި، ސިޓީ ގާލްސްގެ އަލްޔާ އަހުމަދުއާއި، އެސް.އޯ.އާރު.ސީ  ހާޓް ބީޓްގެ ފާތިމަތު ސައިނާއާއި، ސިޓީ ގާލްސްގެ ސުމާ މުޙައްމަދުއާއި، ޕީ.އެސް ކަނބަލުންގެ ސަނާ މުޙައްމަދުއެވެ. މުބާރާތުގެ އެންމެ ގިނަ ލަނޑުޖެހި ކުޅުންތެރިއަކަށް ހޮވައި ވަނީ ރާނިޔާ އިބްރާހީމްއެވެ. ފެއަރ ޕްލޭ ކުޅުންތެރިއަކަށް ހޮވިފައި ވަނީ ޕީ.އެސް ކަނބަލުންގެ އާމިނަތު ނަޒާހާއެވެ.

މި މުބާރާތުގެ އެންމެ މޮޅު ކޯޗަށާއި އެންމެ ހިނގުންތެރި މެނޭޖަރުގެ އިތުރުން ރެފްރީކަން ކޮށްދެއްވި ފަރާތްތަކުގެ އަގުވަޒަންކުރުމުގެ ގޮތުން ސެޓްފިކެޓާއި ޓްރޮފީ ހަވާލުކޮށްފައިވެއެވެ.