ބަންގްލަދޭޝް ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ހައިކޮމިޝަނަރ، ހިޒް އެކްސެލެންސީ ޑރ. އެމް.ޑީ. ނަޒްމުލް އިސްލާމް، ކޮމިޝަނަރ އޮފް ޕޮލިސް އަޙްމަދު މުޙައްމަދުގެ އަރިހަށް މިއަދު އިހުތިރާމުގެ ޒިޔާރަތެއް ކުރައްވައިފިއެވެ.

 ދިވެހި ފުލުހުންގެ ޚިދުމަތުގެ މައި އިދާރާގައި ބޭއްވި މި ބައްދަލުކުރެއްވުމުގައި، ދިވެހިރާއްޖެއާއި ބަންގްލަދޭޝްއާ ދެމެދު އޮތް ޒަމާންވީ ގާތް ގުޅުމާއި ދެ ގައުމުގެ ދެމެދުގައި އޮތް އެއްބާރުލުން ކޮމިޝަނަރ ވަނީ ފާހަގަކުރައްވާފައެވެ.

މީގެއިތުރުން، ދެ ގައުމުގެ ފުލުހުންގެ މުއައްސަސާގެ ދެމެދުގައި އޮތް ގުޅުން އިތުރަށް ހަރުދަނާކުރުމާ ގުޅޭގޮތުންނާއި، ހާއްސަކޮށް ބަންގްލަދޭޝް މެދުވެރިކޮށް ދިވެހި ފުލުހުންނަށް ފަންނީ ތަމްރީނާއި ގާބިލުކަން އިތުރުކުރުމުގެ ފުރުސަތުތައް ފަހިކުރުމާ ގުޅޭގޮތުން ދެބޭފުޅުން ވަނީ މަޝްވަރާކުރައްވާފައެވެ.