އިންސްޕަޔަރިންގ ޔަންގް ލީޑާސް” ޕްރޮގްރާމް ޖަމާލުއްދީން ސުކޫލުގައި ކުރިއަށް ގެންގޮސްފިއެވެ.

ސެޕްޓެންބަރު 26 ވަނަ ދުވަހު ކުރިއަށް ގެންދިޔަ މި ޕޮރޮގްރާމްގައި ލީޑަޝިޕްސް ސްކިލްސްއާއި، ލީޑަރުންނަކީ ކޮބައިކަމާއި، ލީޑަރުންގެ އިރުޝާދުގެ ދަށުން މަސައްކަތްކުރާނެ ގޮތުގެ މައުލޫމާތު ހިއްސާކޮށްފައިވެއެވެ. އަދި އިންޓަނެޓް މެދުވެރިކޮށް ހިންގާ ކުށްތަކުން ރައްކާތެރިކުރުވުމުގެ ގޮތުން، ރައްކާތެރިގޮތުގައި އިންޓަނެޓް ބޭނުންކުރާނެ ގޮތުގެ މައުލޫމާތު އަދި މައިންބަފައިންނަށް ކަމޭހިތުމުގެ މުހިންމުކަމާއި އާއްމު ދިރިއުޅުމުގައި ދަރިވަރުންގެ ޒިންމާއަކީ ކޮބައިކަން ކިޔައިދީފައިވެއެވެ.

އޭގެ އިތުރުން، ފުލުހުންގެ ޚިދުމަތުގައި ހުރި ވަޒީފާގެ ފުރުސަތުތަކާއި ވަޒީފާއަކަށް ކުރިމަތިލާއިރު ވިސްނަންޖެހޭ ކަންކަން ވެސް ކިޔައިދީފައިވެއެވެ. އަދި ޓީމް ބިލްޑިންގ އެކްސަރސައިޒް ތަކެއް ކުރިއަށް ގެންގޮސްފައިވެއެވެ.

ގަލޮޅު ޕޮލިހުގެ ފަރާތުން ކުރިއަށް ގެންދިޔަ މި ޕްރޮގްރާމްގެ ސެޝަންތައް ކުރިއަށް ގެންދިއުމުގައި ސައިބަރ ކްރައިމް ސެންޓަރާއި، ޕަބްލިކް ޓްރަސްޓް އެންޑް ކޮންފިޑެންސް މެނޭޖުމަންޓާއި، ވޯކްފޯސް ޕްލޭނިންގ އެންޑް މެނޭޖްމަންޓްގެ އެހީތެރިކަން ވަރަށްބޮޑަށް ލިބިފައިވެއެވެ.