ޅ. ނައިފަރު މަދަރުސަތުލް އިފްތިތާހުގެ ގުރޭޑް 8 އަދި 9 ގެ ދަރިވަރުންގެ ތެރެއިން ގާލް ގައިޑުންގެ ގޮތުގައި ހަރަކާތްތެރިވާ ދަރިވަރުންނަށް މަގުމަތީގެ ސަލާމަތާއި ރައްކާތެރިކަމާ ގުޅޭގޮތުން މައުލޫމާތު ދިނުމުގެ ސެޝަނެއް ކުރިއަށް ގެންގޮސްފިއެވެ.

މި މަހު 11 ވަނަ ދުވަހު ނައިފަރު ޕޮލިހުންގައި ކުރިއަށްގެންދިޔަ މި ސެޝަންގައި، މަގުމަތީގައި ހިނގާ އެކްސިޑެންޓް ފަދަ ހާދިސާތައް މަދުކުރުމަށް އެންމެން ގުޅިގެން ކުރެވިދާނެ ކަންކަމާއި ދަރިވަރުންގެ އަމިއްލަ ސަލާމަތާއި ރައްކާތެރިކަމަށް ކުރެވިދާނެ ކަންކަން ކިޔައިދީފައިވެއެވެ.

އަދި މަގުމަތީގައި ދުއްވާ އުޅަނދުފަހަރެކޭ އެއްފަދައިން ހިނގާ މީހުންގެ ސަލާމަތަށް އިސްކަންދިނުމަށާއި މަގުމަތީގެ ގަވާއިދުތަކަށް ފުރިހަމައަށް ބޯލެނބުމުގައި ފަރުދީ ޒިންމާ އަދާކުރާނެ ގޮތްތައް ކިޔައިދީފައިވެއެވެ.

މީގެ އިތުރުން، ޓްރެފިކް ނިޝާންތަކުން އަންގައިދޭ ކަންކަމާއި، ނިޝާންތަކަށް އަމަލުކުރާނެގޮތް ކިިޔައިދީފައިވެއެވެ.